Shillong, Jymmang 5 : Hadien slem slem bah ba ka jylla Meghalaya kam don la ki jong ki jait dohkha ban tip kum ki dohkha jongka jylla ka kynhun myntri kaba la ïa kynduh mynta ka sngi ka la rai ban ithuh noh ïa ki Khasaw kum ki dohkha jongka jylla Meghalaya da kane yn ïaleh katba lah ban ïada bad pynroi ïa kine ki jait dohkha ha kylleng ka jylla.
U Nongpathai khubor ka sorkar MDA u ma Wailadmiki Shylla ula ong ba ïa kine ki khasaw ba la tip ruh kum ki Chocolate Mahseer, Neolissochilus Hezgonalepis yn tip bad ithuh noh nangne shakhmat kum ki dohkha ka jylla Megalaya. U la ong ba ka jylla Meghalaya ka dei kawei napdeng ki katto katne tylli ki jylla ka bym pat don la ki jong ki jait dohkha ban ithuh kum ki dohkha ka jylla.
Ula ong kumba 22 tylli ki jylla ki la don la ki jong ki jait dohkha ba la tip kum kita ki dohkha jong kata kata ka jylla. Kine ki khasaw ki dei kiba im ha ki wah jong ka jylla bad ki don lajan man la ki wah hapoh ka jylla kumta ka sorkar ka kwah ban ïada bad pynneh pynsah ïa ki.
