Pynkup burom ka KSU-NC ïa ki samla pule kiba pass bha sha khmat

0

Khliehriat Risaw 6: Ka Khasi Students Union Narpuh Circle mynta ka sngi ka la pynlong ïa ka prokram ba kyrpang ha kaba ka seng ka la pynkup burom da ka khusnam Maitshaphrang Acadamic Award 20222 ïa kito ki samla kiba la pass bha shakhmat ha ki kyrdan bapher bapher, ïa ka prokram la pynlong ha Lumshnong Community Hall.
Nalor ka jingpynkup burom, ka seng ka la pynkupburom da ki momento bad ki syrnot ïa ki khynnah kiba jop ha ka jingïakop thoh essay bad Quiz, katei ka jingïakop thoh essay ka dei kaba la dep pynlong ha ka sngi ba rakhe ïa ka sngi pynneh mariang.
Ha kane ka sngi, u CEM barim jong ka Khasi Hills Autonomous District Council (KHADC), u bah Pynshngaiñ.N.Syiem u la long u kongsan bad u Principal jong ka Jaiñtia Eastern College Khliehriat, u Dr Phervision Nongtdu u la long u symbud kongsan nalor ka jingdonlang u President jong ka KSU Khliehriat Circle, u bah Streamly.S.Suchen.
Kiba la ai jingkren ki kynthup ruh, u President ba rim, uba dei ruh u President KSU Narpuh Circle uba nyngkong eh u bah R.M.Bamon, u President Synjuk ki Waheh Shnong East Jaiñtia Hills District, u bah S.Ryngkhlem, u General Secretary jong ka Jaiñtia Students Union, u samla Treibor.R.Suchen, kiba la ïa don ryngkat ki kynthup u President bad u Secretary FKJGP East Jaiñtia Hills District, u bah M.Suting bad u bah Deihok Sumer, ki Waheh Shnong, Secretary shnong bad ki riew rangbah jong ka thaiñ Narpuh, ki khynnah skul, ki nonghikai.
Ki khynnah pule, kiba la ïoh ïa ka khusnam bad jingpynkup burom ki kynthup ka samla Laaibiang Khonglah, ka samla Sawandaka Nylang, ka Charity Rymbai, Deisuk Tongper, Renuka Lutang, Hun I Dhar Pohtmi, Leban Lamare, Sandani Lamare, Ibanylla Surong, Jesica Dhar, Rimayalang Gympad, Pyrkhat Pynkhlong, Hakanishwa Lyngdoh, Emidaka Pohiing, Sliangmon Pohshna, Synranborlang Pohshna, Lady Diana Dhar, Zenith Thong, Twinkile Pyrngai, Boby Mary Pyrngai lem bad ar phew san ngut kiwei pat.
Ki khynnah kiba jop ha ka jingïakop thoh essay, ki long ka Youfilia Gympad, ka siewly Lamin, Mynjurlang Pdang kiba na ka skul Christian Secondary School Lumshnong bad kine ki dei kiba rung ha ka kyrdang ba nyngkog, katba kiba rung ha ka kyrdan ba ar pat ki dei na ka skul Holy Cross Higher Secondary School Umkiang ba kynthup ka Dininia Pohshna, Ardamanki Pala bad Wishful Massa, kiba long ba lai ki dei na ka skul Wellington Jungai Memorial School Ratacherra, ka Balari.C.Pohiing, Rudy Gassah bad Diwanroi Syngkor.
Ki khynnah kiba jop ha ka Quiz ki ba rung ha ka kyrdang ba ngyngkong ki kynthup ka Jasmin Shyll bad u Bantei Pohplet kiba na Christian Secondary School Lumshnong, kiba rung ha kyrdan baa r ki dei u Nambor Lamat bad ka Ijuhki Lamare kiba na Narpuh Morderm Secondary School bad kiba wan ha ka kyrdan ba lai ki dei u Flin War bad ka Isha Tariang kiba na Divine Word School Lumshnong, ha kane ka Quiz Competition la wan ban iashim bynta da ki hynriew tylli ki skul kiba na ka thain Narpuh.

Leave A Reply

Your email address will not be published.