Hiar jurip ki ophisar ba ïoh ujor halor ka jingbuh palat ki ‘Speed Breaker’

0

Jowai, Risaw 06: Ki bor District ka West Jaiñtia Hills mynta ka sngi kila pynlong ka jingleit jurip (inspection) halor ka ïaid ka ïeng jong ki kali ki mator ha Jowai kaba la ktah ïa ki paidbah babun balang kaba kynthup naduh ki nongñiah kali kamai, ki kynnah skul bad ki nongtrei kiba thmu ban leit sha ki kam ki jam.
Ïa kane ka jingleit jurip la pynlong hadien ka jingïoh ujor ha kine ki sngi ba la dep da ki nongkali ha Jowai halor ka jingjur ka jingsahkut ki kali namar ka jingbun palat ki Speed Breaker na Mihmyntdu haduh New Hill Jowai.
Ha kane ka sngi palei kitei ki ophisar naduh ki Magistrate, u District Transports Officer (DTO), ki ophisar na ka tnad PWD bad kumjuh na ka Jowai Traffic ryngkat u Superintendent of Police u Bikram D. Barak kila pynlong ïa kane ka joint Inspection bad jurip ïa kane ka jingud jingnan jong kiba bun balang ban aiti ïa ka report sha u Deputy Commissioner na ka bynta ka jingdonkam.
Hadien ka jingjurip kaba bniah na ka liang jong ki kila pynbeit ban weng noh ïa saw tylli ki Speed Breaker ban kham pynstep ïa ka ïaid ka ïeng jong ka kali bad la pyntip ruh yn sa buh da ki Zebra Crossing ha ki jaka ba weng ïa ki Speed Breaker, na ka liang ki bor ba dei peit kin sa jurip bniah ïa ki jingdonkam khnang ba ki paidbah kim nym shah ktah palat ha ka ïaid ka ïeng.

Leave A Reply

Your email address will not be published.