Ailad ia ki nonghikai ban shim bynta ha ka synshar khadar : kyntu u samla na Ri Bhoi

Nongpoh, Risaw 05: Kum uwei na u samla rangbah ka dong Ri Bhoi, u Samla Albert Maring ba shong basah ha ka shnong Umdapdumu u la mih ban pynpaw halor ka jingangnud ba u kwah ba ka sorkar Meghalaya ka dei ban ailad ruh ïa ki Nonghikai ba kin ioh rung ne don bynta lem ha ka kam shynshar khadar ka kam sain hima sima lane ban ïa khun election ban long kum kita ki nongmihkhmat paidbah hapoh ka jylla.
Katkum ka kyrwoh ba la phah da u Samla Albert Maring sha ki lad pathai khubor, une u samla u la pynpaw da kaba ong ba ka sorkar ka dei ban khang lad ïa ki nonghikai kiba kwah ban shim bynta ha ka synshar khadar paidbah kiba kwah bad kiba don ka mon ban ban shakri kum ki nongmih khmat paidbah bad ban ioh ioh ïa ka synshar khadar paidbah kaba khlain donkam ban ioh ki nongïalam da ki riew shemphang , ki proh jabieng kiba don ka jingnang jing tip kiba ïar ka jingmut jingpyrkhat kiba don ka bor pyrkhat kumno ban ïalam ïa ki paidbah, u la ong.
Na ka bynta ban thaw ki lad ki lynti lane ki polisi treikam ban myntoi ki paidbah, u la ong ruh ba ka sorkar ka sorkar ka dei ban ai lad ïa ki nonghikai kiba kwah ban shim bynta ha ka synshar khadar paidbah ban long ki nongmih khmat ym dei ban khang lad ïa ki nonghikai kiba don ka mon bad kiba don ka sap ban shakri paidbah, namar kin nym bat ar kam lada ki jop election kin shakri kum ki nongmih khmat paidbah kin iehnoh ïa ka kam hikai bad lada rem election ai lad ba kin bteng bad leit phai sha ka kam hikai.
U la kynthoh ruh da kaba ong ha ka jaka ba ka sorkar ban khang ïa ki nonghikai ban shim bynta ha ka kam sain hima sima, ka sorkar ka la dei ban buh kyndon bad khang ïa ki nongkhaii heh spah ki bym don kyrdan pule, lada ai lad ïa ki nongkhaii heh spah bym don kyrdan pule kiba pass tang Class 4 Class 5 kumno kin thaw ain kumno kin kren kumno kin ïa said hapoh ka ing dorbar thaw ain bad shu mutdur bad pyrkhat kaei ka ban jia hato kam dei ka jinglehrain haba tang u personal assistant jong ki la don kam da ki ba la dep pass ïa ka degree, u la ong.
Shuh shuh, u la pynpaw ruh da kaba ong ba kan long ka jinglehrain lada yn pynïaid ïa ka synshar khadar paidbah ban long nongïalam nongmihkhmat da ki heh spah bym don kyrdan pule katba ïa ki nonghikai kiba kwah ban shim bynta ha ka synshar khadar paidbah ban long nongïalam nongmih khmat la khang ban shim bynta ha ka synshar khadar paidbah khlem pep ngin sa ioh ka synshar khadar kaba tlot ka bym lah ban trei kam ha baroh ki liang ka bym lah ban shakri bad ai jingmyntoi ïa ki paidbah, u la bynrap shuh shuh.