Nongstoiñ, Lber 23: Ka Lower Primary School Sport Meet jong ka Nongstoiñ Town kan pynlong ïa ka 10th Inter L.P School kaba kyrpang mynta ka snem, kum shibynta ban ïa rakhe ïa ka jingdap 10 sien ha ki jingpynlong ïa kane ka Athletic kaba la sdang naduh ka snem 2006 ha madan NDSA Nongpyndeng.
Kane ka lympung mynta u snem kan sdang naduh ka 9 tarik haduh 11 tarik ïaiong 2025, ha kaba ki skul ki ban ïashim bynta ki la don palat 20 tylli ki school. Lada dang don kiba kwah ban wan ban ïashim bynta, ka organization ka pdiang kyrpang mynta ka snem bad ka screening kan long ha ka 26 bad 27 tarik mynta u bnai ha New Nongstoiñ Govt. L. P School naduh ka por 9 baje mynstep.
Kino kino ki school kiba kwah ban ïashimbynta, ki lah ruh ban phone ha u 8837367742 bad 9362682284, lane ïakynduh ïa u Babu K.K.Lynser President L.P Schools Sports Meet Nongtoiñ Town.
