Shillong, Rymphang, 04: Ka tnad Home Guard lyngba ka kyrwoh ba la pyllait ha kane ka sngi ka la pyntip ba ka donkam ïa ki Home Guards Volunteer ba la dep ïoh jinghikai, ban leit duty ha ka elekshon Autonomous District Council (ADC) ka Ri-lum Khasi Jaiñtia ka ban long la 21 tarik Rymphang.
Ha kaba ïadei bad kane la ong ba kino kino ki volunteer kiba kwah ban leit sha ka duty elekshon la kyntu ba kin wan ai jingtip sha ka Ophis u District Home Guards Commandant lane District Home Guards Training Centre ha la ki jong ki District ba kin ïoh ïa ki jingbthah, kham kloi kat kaba lah.
Ïa kane ka jingpynbna la pynmih da u Bah PH Shylla, Senior Staff Officer & Addl PRO ka Directorate of Civil Defence & Home Guards, Meghalaya.
