Nongpoh, Lber 18:U District Magistrate ka Ri Bhoi, u Arpit Upadhaya mynta ka sngi u la pynjari da ka section 144 CrPC ha Ri Bhoi District ban teh kyndon na ka bynta ka jingiaid beit iaid ryntih ka general election ban jied ia ki nongmihkhmat na ka jylla sha ka ïing Dorbar thaw aiñ ha Lok Sabha ba la buh ban long ha ka 19 tarik u ïaiong 2024 hapoh ka ri India hi baroh kawei.
Kane ka jingpynjari ia katei ka kyndon aiñ la khang pyrshah ban rah pisa palat ia ka T.50000 la ki dei ki riew shimet ne ki kynhun katba dang treikam ka Model Code of Conduct.
Ka kyrwoh ba la phah sha ki lad pathai khubor lyngba u District Magistrate ka la mana ruh ban pynlong kino kino ki lad jingiakhih, ki jingiaid paidbah ne ia khih paidbah la ki dei ki riew shimet ne ki kynhun hapoh u pud u sam ka Ri Bhoi District.
Shuh shuh, la pynbna ruh ka daw kaba la pynjari ia katei ka kyndon aiñ ka dei shi bynta ba la treikam ka Model Code of Conduct bad la btah ruh naduh ka Election Commission ka ri India hadien ba la dep ban pynbna ia ka election jong ka Lok Sabha ka ban long ha ka 19 tarik u ïaiong 2024 hapoh ka ri India. Kino kino kiba pynkheiñ ne ialeh pyrshah ia katei ka kyndon aiñ ba la dep ban pynjari kin sa shah pynshitom katkum katei ka kyndon aiñ.
