Shillong, K’lyngkot : U MLA ka Mawlai u Bah PT Sawkmie ha ka 11 tarik u Kyllalyngkot 2023 u pyntip ba u la dep pynïoh 10 lak tyngka na ka bynta ki jingker ïa ki skul ha skul Mawtawar, ka Mawtawar Presbyterian Secondary School bad ka Laitlum Presbyterian LP and UP School kaba u la mang na ka MLA skhim jong u.
Na ka bynta ka jingker ha Laitlum Presbyterian LP and UP u MLA u la ïoh ban plie hynne ka sngi Balang ha ka jingdon ryngkat pastor incharge Reverend P. Kharumlong, Tymmenbasan bah SD Kharumnuid, Rangbah Dong bah P.S Kharumlong, ki longkmie, ki nonghikai, ki khynnah skul, ki nongïalam UDP bad kiwei kiwei.Ha kane ka juh ka sngi u MLA u la sam ruh ïa ki blanket sha ki nongshong shnong ka dong Laitlum.
Haba ai jingkren u Bah PT Sawkmie u la pynpaw ka jingsngewkmen ba u la ïoh ban plie ïa ka jingker kaba u la mang na ka skhim jong u da ka jingisynei bad jingdon ryngkat u blei.Ha ka juh ka por u la kular pynshna ban pynkha kamra klass, bad ban buh ruh ïa ki solar light hapoh shnong Laitlum.
Ha kane ka sngi la ïoh ruh ka jingkren na rangbah dong Laitlum, bah P. S Khaumlong, na bah Wanseng Jyrwa, working president ka UDP Mawlai Circle, na bah Teibok Kharkongor secretary UDP Mawlai Circle.
