Pynhap pyrda u Symbud Myntri Rangbah ka Jylla ïa ka phutbol ha Pongtung

0

Shillong, Naiwieng 09 : U Symbud Myntri Rangbah ka Jylla u Bah Prestone Tynsong ha kajuh k por u MLA ka Pynursla ha ka 5 tarik Naiwieng u la pynhap pyrda ïa ka lympung ïalehkai phutbol jong ka seng Treilang Sports and Cultural Club Pongtung ka U-14 Football Tournament 2022 bad ïa ka Women Football Tournament 2022, ha ka jingdon lang ka Kong Evarinia Warjri kaba dei ka SDO jong ka Pynursla Sub Division kum ka symbud kongsan.
Na ka liang ki kynthei ka Wahkygkhat SC ka la pynliem noh ïa ka Mawshun SC bad ïoh rah ka nam lahduh
Katba ka Friend XI United ka la ïoh rah nam lahduh da kaba pynliem ïa ka Young Boy Rimassaw da 2 kol. Ha katei ka jingïalehkai phainal la wan ban sakhi da ki spah ngut ki paidbah kynthup naduh ki rangbah, ki longkmie, ki samla bad ki hep kiba rit.
La nang pynshongshit ruh ha katei ka sngi lyngba ki jingrwai na u samla Wanjop Sohkhlet bad Riskhem Khonglam kiba pyn shonngshit ïa ki nongpeitkai kiba la pyndap smam ïa ka madan baroh kawei, nangta la pynshonshit duh da ki jingshad na ki khynnah jong katei ka thaiñ.
Ïa ka nam Best Player ha ka liang ki kynthei la ïoh da ka Ladiang Khongwet, Best Goalkeeper la ïoh da ka Nisola Khongmawloh bad ha ka liang ki shynrang ïa ka nam Best Player la ïoh da u Menangpyndap Khongjee, Best Goalkeeper la ïoh da u Wallamjingsuk Khongshun bad ki don haduh saw ngut ki top scorer ki la ïoh ban thep mar saw goal ba kynthup u Bradly Masynting, Menangpyndap Khongjee bad u Ricardo Khongnoh.

Leave A Reply

Your email address will not be published.