Nongpoh, Nailur 04: U District Magistrate ka Ri-Bhoi District, u Dr. Abhishek Saini, u la pynbna ïa ka bynta naduh Kad Liengsuiñ, Umroi haduh Umiam kum ka No-Drone Zone haka 7 bad 8 tarik Nailur 2026, namar ka jingwan iuhkjat u Vice President ka Ri India, u C. P. Radhakrishnan ha nongbah Shillong.
Katkum ka hukum kaba la pynmih hapoh Section 163 jong ka Bharatiya Nagarik Suraksha Sanhita (BNSS), 2023, la khang pyrshah ïa ka jingpyndonkam ne pynher ïa ki drone, Unmanned Aircraft Systems (UAS), remotely piloted aircraft bad kiwei ki tiar pynher kiba iasyriem ha katei ka thaiñ ha ka por ba la buh.
Ïa kane ka jingkhang la buh kum ka jingshngaiñ bad jingïada, khamtam namar ba bun ngut ki heh ki haiñ bad ki riew donburom kin iaid lyngba ka surok naduh Kad liengsuiñ Umroi sha Umiam haduh Shillong ha katei ka por.
Kane ka hukum kan treikam ha kine ki ar sngi, lait noh tang ïa ki drone ne kiwei ki tiar kiba ioh jingbit da ka jingthoh na ka bor ba dei peit.
