Pynbna u Bah Kyrshan Dkhar ban ai reng ha ka Election MDC na Tuber-Wapung Constituency

0

Khliehriat K’Lyngkot 18: U Bah Kyrshan Dkhar, na ka shnong Chamcham, East Jaiñtia Hills District hynne ka sngi u la pynbna paidbah ba un sa ïakhun bad ai reng ha kane ka elction MDC ka ban wan na ka 21- Tuber- Wapung Constituency bad mynta u dang ap ïa ka tiket na ka party BJP bad ong ruh ba lada ka BJP kam ai tiket ruh hynrei un ïaid shakhmat ban ai reng kum u kyrtong shimet ruh.
Haba kren sha ki pathai khubor, u bah Kyrshan Dkhar, uba dei ruh u President jong ka East Jaiñtia Hills Truck Owners and Transporters Association bad u dei ruh u dkhot bad u nongkitkam jong ka pary BJP Youth Wing ha East Jaiñtia Hills District u la ong, “Kum ka jingpyntip sha baroh ki paidbah, nga la dep ban aplai ne pan tiket na ka party BJP bad ïa ka application nga la dep phah sha u District Presisident jong ka BJP bad mynta ka shong sa ha ka party.”
U ong ruh ba lada ka party BJP ka ai ïa ka tiket un iaid shakhmat bad ruh lada ka party kam ai tiket ruh un iaid beit hi. Tangba u ong pat ba un kyrpad ïa ka party BJP ba kan ai tiket ba un ïakhun ïa kane ka election.
U la iathuh ruh ba ha kane ka jingmih jong u shakhmat ban ïakhun ïa kane ka elction, u la ioh ïa ka jingkyrshan na kiba haïing ha sem kumjuh ruh na ki riew rangbah.
Ha kajuh ka por u bah Kyrshan Dkhar, u kyntu bad kyrpad ïa ki paidbah jong ka Tuber- Wapung Constituency ba kin iarap lem ban kyrshan ïa u ha kane ka election MDC ban ai ka kti ka diang ka kti ka mon namar u la dep rai rangbah ba un shim ïa kane ka kam bad ba un iaid shakhmat ban ïakhun ïa ka elction.
U la ong ruh ba lada u poi sha ka thong u don ka jingthmu ban warah ïa ka roi ka par ha ka thaiñ da ka jingïatreilang bad kiwei kiwei ki para MDC.
“Kumba long mynta ka jinglong jingman ha ka District Council ka long kaba synjor bha ka rukom treikam naduh ki copmany dewbilat ruh ki ioh lehmon bha ym don kano kano ka jingiateh bad ki company, kumta lada nga poi sha ka thong ngin ïa shna ïa ki aiñ ki kyndon kiba skhem na ka bynta ka jingbit jingbiang ki pateng ba hadien,” u la ong.

Leave A Reply

Your email address will not be published.