Khliehriat kyllalyngkot 5: U Deputy Commissioner ka East Jaiñtia Hills District, ha ka hukum ba la pyllait mynta ka sngi u pynbna sngi shuthi, District Holiday ha ka 11 tarik mynta u bnai kyllalyngkot 2023 kaba dei ka sngi lehkmen tamasa kaba ju tip kum ka Nul Ding Kut.
Kane ka tamasa ka dei kaba ju leh man la u snem da ki jaitbynriew Biate kiba shong ba sah ha ki thaiñ Saipung, katkum ka hukum na ka ophis u Deputy Commissioner la ong ba baroh ki ophis treikam, ki skul, ki jaka pule bad ki shnat treikam bapher bapher kiba dei jong ka sorkar kin khang lut ha katei ka sngi ba pynlong ïaka tamasa Nul Ding Kut.
