Nongstoiñ, Nohprah 05: U SP jong ka West Khasi Hills District, u la pyntip paidbah ba na ka jingpynlong ïa ka Eucharistic Procession jong ka Nongstoiñ Diocese ha Umwahlang Parish ka ban long ha ka 8 tarik mynta u bnai la pynbeit ban bud ryntih ïa ki jingpynïaid ïa ki kali bad ki nongleit nongwan ha ka Procession.
Ha ka jingpynbeit, yn ym shah ïa ki kali ban rung na ka ïingmane Catholic barim bad St. Francis School Umwahlang, ki kali kiba don ïa ki car pass kiba wan sha ka procession kin ïaid na ka surok Nonglang sha St Francis Umwahlang lyngba ka sub way. Yn ym shah ban pynieng ïa ki kali ha ki rud surok Riwiang haduh Kyrdum bad ki kali kiba ïaid na Langpih sha Nongstoiñ, kin shim da ka surok Langpih-Tieh Thawïar-Langja Nonglang.
Ïa baroh ki jingpynbeit yn pyntreikam naduh ka por 6:00 baje mynstep ha kane ka sngi haduh ban da kut ka procession. La kyntu ruh ïa ki nongleit nongwan ban kiar ban ïaid na Nonglang sha Riwiang ha ka sngi Procession lait noh tang ïa kiba donkam kyrkieh.
