Shillong, Lber, 20: Shwa ba ka Jylla Meghalaya kan leit sha ka elekshon Lok Sabha ka ban sa long ha ka 19 tarik Ïaiong, 2024, ka United Democratic Party (UDP) ka la ïakynduh mawsiang hadien ba ki nongïalam bahakhmat na Ri Bhoi District ki la shim ïa ka rai ban dkhat noh ïa ka jingïadei kam bad ka party.
Kane kan long ka jingduhnong kaba khraw haduh katta katta khamtam eh ïa ka Regional Democratic Alliance (RDA) kaba la sei da u Bah Robert June Kharjahrin ban pynïakhun ïa ka elekshon Lok Sabha na Shillong Seat ka ban sa long ha ka 19 tarik, ïaïong mynta u snem.
Ki nongïalam ba hakhmat eh ka UDP ha Ri Bhoi kiba la rai ban mih noh na ka UDP ki kynthup naduh u President ka District u Bah Donbok Khymdeit uba long ruh u Working President jong ka UDP Central Body, Bah Raphael Massar Chief Adviser UDP Ri Bhoi District, Bah Rangkynsai R Makdoh Adviser UDP Ri Bhoi District, Kong Queen Mary Rymbai Jt. Secretary UDP Women’s Wing State, Bah Biolkingstar Tmung Auditor UDP Ri Bhoi District, Bah Watson Kharkrang President UDP YW Umsning Circle, Bah Jeffrey Khymdeit Jt. Secretary UDP YW State, Bah Prosper Dorphang Secretary UDP YW Ri Bhoi District, Bah Rajes Lapang Working President UDP YW, Ri Bhoi District, Bah Richard Moksha Vice President UDP YW, Ri Bhoi District, Bah Kitdorius Dkhar Vice President UDP YW Ri Bhoi District, Bah Johny Marbaniang Finance Secretary UDP YW Ri Bhoi District, Bah Pril Sten Sports Secretary UDP YW Ri Bhoi District, Bah Moonstar Jaraiñ Asst Secretary Sports Secretary UDP YW Ri Bhoi District, Bah Bishno Roy Dillar – E/C member UDP Ri Bhoi District bad ki Executive Member ka UDP Youth Wing Ribhoi ba kynthup ïa u Bah Henry Mukhim, Bah Ribor Makdoh, Bah Kyrshan Lyngdoh, Bah Seibor Nongphlang, Bah Elevenson Makdoh bad ki dkhot ba kynthup ïa u Bah K. Wonderful Khymdeit, Bah Ng. Rolling Mangu, Bah Browel Makdoh, Bah Wolman Sujai, Bah Billingstar Sylliang, Bah Kiswel Langi, Bah Lukas Lyngdoh, Bah Hetsing Lymphuid, Bah Bransis Shadap, Bah Wanphrang Shadap, Bah Shlur Khymdeit.
Ha ka jingïakren bad ki lad pathai khubor ha ka sngi Balang, u Bah Donbok Khymdeit u la ïathuh ba naduh kane ka sngi kim don jingïadei eiei shuh bad ka UDP bad kane ka jingshim rai ban iehnoh ïa ka UDP kam don kano kano ka jingpyrshah ïa ka party bad ka dei ka mon jong ki nongïalam bad ki dkhot.
