Plie u Bah Teibor ïa ka MDC Cup FT 2022

0

Shillong, Risaw 19 : U MDC jong ka Mawlai u Bah Teiborlang Pathaw ha ka 19 tarik u Risaw, 2022 u la plie paidbah ïa ka MDC Cup football tournament , 2022 ba la pynlong da ka NPP Mawlai Block Youth Wing ha madan heh mini Stadium, kaba don ha ka shnong Mawlai Phudmuri, Shillong.
Ha kane ka lympung ïalehkai ki don 21 tylli ki kynhun ïalehkai kiba hap hapoh ka jylli jong ka Mawlai Constituency kiba la ïashim bynta.
Ha ka jingplie paidbah ïa kane lympung ïalehkai la sakhi lang da u President ka NPP Shillong City u Bah Mayborn Rapthap, ki dkhot jong ka Mawlai Social Service Organisations, ki dkhot jong ka NPP Central Body haduh ki Unit, u President ka NPP Youth Wing Mawlai Circle u Bah Joe Marbaniang, u Secretary u Bah Barthol Sohlang bad ki paidbah.
Ha ka sngi sdang jong kane ka lympung ïalehkai, ka Seng Samla Umrynjah ka la ïakhun pyrshah ïa ka Seng Samla Syllaikariah ha kaba ka Seng Samla Umrynjah ka la jop da 2-0 kol.

Leave A Reply

Your email address will not be published.