Jop ka Kingsmen, DSE bad Onyx ha ka Open Basketball Tournament

0

Jowai, Risaw 19: Ka lympung ‘Open Basketball Tournament 2022’ bala pynïaid da ka West Jaiñtia District Sport Association ha madan Basketball ka Thomas Jones Synod College, Jowai, kaba la long mynta ka sngi 19 tarik u Risaw 2022.
Na ka liang ka kynhun ïalehkai jong ka Kingsmen bad ka DSE kila long ki nongjop, haba phai sha ka jingïakhun kaba nyngkong ka Kingsmen kala jop da 80–75 ïaka Don Rua, ha ka jingïakhun kaba ar ka DSE kala jop da 60-45 ïa ka SCB. Katba ha ka jingïakhun kaba lai ka Onyx kala jop da 51-11 ïa ka Chutwakhu.
Kum ban shu pynkynmaw ïa kane ka lympung la pynïaid da ka (WJDSA) shi bynta na ka jingrakhe jubilee ksiar ka Association kaba la jam sha u mawmer ba 50 snem jong ka jingshakri ban pynkiew ïa ka kam ïalehkai Sports hapoh ka District.
Ïa kane ka lympung la sdang ïa ka naduh hynnin ka sngi 18 tarik ba la wan plie pyrda da u kongsan uba dei ruh u Chairman ka Jowai Municipal Board u ma L.D. Lakiang.

Leave A Reply

Your email address will not be published.