Nongpoh, Naiwieng 26: Da ka jingïasnoh kti lang ki para Pulit naduh ki ophisar bad ki pulit constable, ka tnad Pulit Ri Bhoi ka la lah ban plie da ka jaka ïalehkai GYM ha ophis u SP ka Ri Bhoi, kaba long shi bynta ban ailad ïa ki Puli tba kin ioh ban kyllan met na ka bynta ka jingkoit jingkhiah jong ki.
Ïa kane ka jaka ïalehkai GYM la plie paidbah ha ka 25 tarik u Naiwieng 2024, da uwei na u heh Constable u Shiv Bashan Singh bad la sakhi lang ruh da ka jingdon lang u SP ka Ri Bhoi u Jagpal Singh Dhanoa bad kiwei kiwei ki heh pulit bad ki Pulit na kane ka District.
Haba kren halor kane ka jaka ïalehkai GYM, la pynpaw ba kane ka GYM kan long kum ka lad ka lynti ïa ki para pulit ba kin ioh lad ban ïa kyllan met na ka bynta ka jingkoit jingkhiah jong ki, namar kum ki Pulit ki donkam ïa ka met kaba koi tba khiah ban shakri na ka bynta ban peit ïa ka bha ka mait bad ka shongsuk ka shongsain ki paidbah ha kae ka District.
Shuh shuh, ka tnad Pulit Ri Bhoi ka buh ruh ïa ka jingkoit jingkhiah hakhmat eh na ka bynta ki para pulit kiba ïa trei lang ha kane ka District, namar dei tang lada ki bor pulit ki don ïa ka met kaba koit ba khiah, kin lah ban wan rah ïa ka shongsuk shongsain bad ruh ban ïa khun pyrshah ïa kiba bun ki kam sniew kaba long ka jingshngain ïa ka District bad ka jylla hi baroh kawei.
