Nongpoh, Risaw 23 : Ka kong Macdalyne S Mawlong MDC jong ka Umsning Constituency haka sngi Saitjaiñ kala leit ban plie paidbah 2 tylli ki sem ap kali naka bynta ka jingdonkam bad ka jingmyntoi jong ki paidbah ka shnong Dulongnar bad Erpakon ba kin ioh ban rieh naka sngi u slap haka por ap kali. Ïa kitei ki sem ap kali la tei lyngba ka 15th Finance jong ka KHADC jong u snem 2020-21 haka jinglut kumba T.1.50 lakh kawei bad la sakhi ruh ha katei ka sngi da ka jingdonlang naduh ki nongïalam shnong, ki longkmie longkpa bad ki khun samla ka shnong.
Haba kren ha katei ka sngi naka liang ka kong Macdalyne S Mawlong kala pynpaw ka jingsngewkmen hadien bala ioh ban plie paidbah ïakitei ki 2 tylli ki se map kali haka shnong Dulongnar bad Erpakon kaba long ka jingkyrkhu naka bynta ki paidbah katei ka shnong ba kin ioh ban shong jahthaid, ban rieh ruh naka sngi u slap haka por ap kali.
Kala ong ruh ba katei ka dei ka nongkynti jong ka shnong ba kidei ban shimkhia ban pynneh pynsah bad kumjuh ban sumar ïa katei ka iing ba kan neh, kumba ka long kaba donkam ïaki paidbah ban don katei ka iing ap kali. Na ka liang ki paidbah bad nongïalam shnong jong kitei ki 2 tylli ki shnong kila pynpaw ka jingsngewnguh ïaka kong Macdalyne S Mawlong halor ka jingai ïa kitei ki iing ap kali haka por ba ki paidbah ki donkam bha.
