Phuh bha ka jingrakhe ïa ka Republic Day ha nongbah Shillong, pynher u Lat ïa ka lama lairong

Shillong, K’ Lyngkot 27: Ha ryngkatlang bad ka ri baroh kawei, ka Meghalaya ruh ka la rakhe ïa ka 76th Republic Day ha ka 26 tarik mynta u bnai, 2025.
Ha nongbah Shillong ha ka prokram kaba la pynlong ha madan Polo, u Lat ka Meghalaya u C H Vijayashankar u la pynher ïa ka lama ka ri bad u la shim ruh ïa ka Salute ha ka jingïaid march pass kaba la pynlong da ki BSF, CRPF, ka East Khasi Hills District Executive Force, Meghalaya Police, NCC Boys, NCC Girls, Meghalaya Bharat Scouts and Guides, Indian Red Cross Society, Sacred Heart Boys’ Hr. Sc. School, Holy Child Secondary School, Assam Rifles Public School horse contingent, Brass Band ka Border Wing Home Guards bad Border Security Force.
Ha ka prokram u la aiti ïa ka khusnam U Tirot Sing Award 2025 for Arts and Literature sha u Sembertush A Sangma, ka Pa Togan N Sangma Award 2025 for Social Services sha u Rev. W C Khongwir bad ka U Kiang Nangbah Award 2025 for Sports sha ka Kong Kmoin Wahlang.
Ban rakhe ïa ka jingdap kaba 10 snem jong ka Beti Bachao Beti Padhao (BBBP) scheme, u Lat u la pynkup burom ïa ki samla pule jong ka klas X bad klas XII kiba la wan shakhmat ha ki jingpule jong ki ha une u snem 2024.
Ki samla pule kiba la shah pynkupburom ki dei ka Aleytheia Syiemlieh ka St. Margaret’s Hr. Sec. School, Nitya Agarwal of Army Public School, Aisha Deka ka Loreto Convent, Naaz Bashar ka St. Mary’s Hr. Sec. School, A. Chokhani ka Army Public School, Aditi Duhaka Lyngdoh ka Pine Mount School, Amebaaihunsha Kharbhih ka St. Anthony’s Hr. Sec. School, Deeksha Rathore ka Army Public School, Suhani W Pohlong ka Pine Mount School, Ferry Filarisha Wann ka St. Mary’s Hr. Sec. School bad Vishaka Sharma ka Army Public School.
Ha ka prokram, la pynbna ruh ïa kiba ïoh ïa ka Police Medal for Meritorious Service sha u Evel N Marak, Armed Police Sub Inspector, u Tomol Ch Sangma, Armed Police Sub Inspector bad ïa u Rajesh Thapa, Havildar.
Ka la don ruh ka jingpynbna kaba ïadei bad ka Meghalaya Governor’s Police Medal for Outstanding Service sha u Billygraham R Marak, SP, W/R, Tura; u Bah Mac Joel Marngar, Dy. SP (Traffic), EKH; ka Priyanka W Sangma, Addl. SP, Tura; u Bah Baniateilang Diengngan, Addl. SP, Khliehriat; WPI Pushpa Chettri, O/o The Commandant, 5th MLP Batallion, Vikaspuru, New Delhi; UBSI Bekash Gurung, EKH DEF (Attached to Police Headquarters as I/c Confidential Branch; UBSU Rovio Nongrum (SGH DEF); UBSI Arki Dalang Wahlang, EKH DEF I/c Pasteur Beat House; Havildar Sebrian Lyngkhoi, O/o The Commandant, 5th Meghalaya Battalion, Vikaspuri, New Delhi; WPU/Lnk. Sengtera K Sangma, 2nd MLP Battalion Goeragre Training Branch; ABC Kofi Albert Pathaw, PTS, Umran; u Tapash Barua, MPRO HQ, Golflink, Shillong bad u Bah Franky Marweiñ, Shilong Fire Station.
Ha kane ka sngi ka la don ruh ka jingpyni ïa ki tableau da ka NCC, Shillong; DCIC-East Khasi Hills; Tourism Department; MBDA; District Animal Husbandry and Veterinary; Social Forestry; Social Welfare; Divisional Soil and Water Conservation; Agriculture; MSSDS bad East Khasi Hills DMHO. Ïa ka tableau kaba itynnad la ïoh rah da ka Divisional Soil and Water Conservation (1st place), DCIC-East Khasi Hills (2nd place) bad ka Social Welfare (3rd place).
Ha ka March Past competition, ka Sacred Heart Boys’ Hr. Sc. School ka la ïoh ïa 1st prize, katba ka Holy Child Secondary School bad ka NCC Girls kiba la ïoh ïa ka kyrdan kaba ar bad balai. Ha kane ka sngi ki la don ruh ki cultural programme bapher bapher.