Shillong, Nailur 15: Ka long ka jingsarong bad ka burom ïa ka jylla, hadien ba u Samuel James Lyngdoh Kynshi, u player ba ju lehkai kum u winger na klob Shillong Lajong FC, u la shah paw kyrteng ha ka thup jong ka kynhun lehkai bar ri jong ka India ka ban sa ïakhun ha tamasa lehkai jong ka Asian Games ka ban long ha Hangzhou , China.
U Sunil Chettri un sa ïalam ïa ka kynhun kum u kapten ba la coach da u Ignor Stimac, bad ha kane ka kynti ba mynta, na ka liang jong ka AIFF ka la pyntip, ba bun na ki player kiba la shah jied ki dei ba dang hapoh 23 snem ka rta kynthup bad lai ngut ki rangïalehkai kiba la kham rangbah.
Ka thup kyrteng jong ki player ban mihkhmat ïa ka India ki long: Gurmeet Singh, Dheeraj Singh Moirangthem, Sumit Rathi, Narender Gahlot, Deepak Tangri, Amarjit Singh Kiyam, Samuel James, Rahul KP, Abdul Rabeeh Anjukandan, Ayush Dev Chhetri, Bryce Miranda, Azfar Noorani, Rahim Ali, Vincy Bareto, Sunil Chhetri, Rohit Danu, Gurkirat Singh, Aniket Jadhav.
