Shillong, Lber, 28: Ka Sor Shillong ka pynmih jaboh palat 196 ton shi sngi, la pyntip u Symbud Myntri Rangbah uba peit ïa ka tnat Pynroi Sor u Bah Sniawbhalang Dhar haba jubab ïa ka jingkylli hapoh ka iingdorbar thawaiñ ka jylla ha ka sngi Baar.
U la ong ba ïa mynta ka jaka theh ñiut ka don ha khlaw Riatkhwan, Mawlai ïa kaba ju tip paidbah kum ka Marten. Ka tnat ka la wad ïa ki lad ki lynti ban wad ïa ki jaka theh ñiut ba thymmai na ka bynta ka Sor Shillong.
