Shillong, Lber 06: U Symbud Myntri Rangbah ka jylla uba khmih ïa ka tnat PWD (Roads) u Bah Prestone Tynsong u la pyntip ba ka jingai laiñ na ka bynta ban shna ïa ka surok NH 217 (old NH 62) la dep ban pyndep.
Ka jingshim ïa ka jaka bad ka khyndew ka shyiap ka la dep na ka bynta ka NH 217 bad ïa kane la pyntreikam hapoh ka National Highway Act, 1956, ïathuh u Bah Tynsong haba jubab ïa ka jingkylli hapoh ka dorbar mang tyngka ha ka sngi Palei.
U la pyntip ruh ba ka jingheh ka surok Dainadubi – Darugiri la pyntreikam da ka NHIDCL, 3G section kaba la dep ban pynbna ha ka 6 tarik u Kyllalyngkot ha kane ka snem kaba mynta.
Ka surok kaba ïar na Darugiri sha Karonggre la pyntreikam da ka state PWD, Section 3 A kaba la dep ban pynbna ha ka 11 tarik u Rymphang, 2025 ïa ki bynta kiba hab hapoh East Garo Hills bad South Garo Hills bad kane ka dei ha ka 12 tarik u Rymphang, 2025 kiba dei ruh ki bynta kiba hab hapoh ka West Garo Hills, pyntip u Bah Prestone.
Ha kawei pat ka liang u Bah Tynsong u la pyntip ruh ba ka Section 6 jong ka Act bad ka sub-section (6) jong ka Section 4 jong ka Act kaba khlem shim da la bud da ki bor ba dei peit ne ka sorkar jylla.
