Shillong, Lber 06: Ka Myntri kaba khmih ïa ka tnat ka Koit ka Khiah ka sorkar jylla ka kong Ampareen Lyngdoh ka la pyntip ba ka Food Safety & Standard Authority of India (FSSAI) ka la wanrah ka jingpyrkhat ban wanrah ïa ka kam khmih bniah haba ïadei bad ki microplastic.
Kane kadei katkum ka project ba la pyllait da ka FSSAI ha ka 18 tarik u Nailar, 2024, ban ïakhun ha kaba ïadei bad ki jingeh kiba mih na ki jaboh kiba mih na ki microplastic ha ki jingthep jingbam kiba la tip da ki “Micro-and Nano-Plastics bad kiba dei ka daw jong ka jingpynjaboh ïa ki jingbam, da kaba thaw ruh ïa ki lad kiba long ki nuksa kiba batai shaphang ki marbam bad kiwei kiwei,” ïathuh ka kong Lyngdoh haba jubab ïa ka jingkylli hapoh ka dorbar mang tyngka ha ka sngi Palei.
“Katkum ka jingtip jong ka sorkar, ka Commissionerate of Food Safety ka la leh ïa ka test ïa ka um ha kaba ïadei bad ka jingdon ka mineral oil, ka jingpynjaboh lyngba ki nar, ki pesticide bad ki microbiological parameter laitnoh ki microplastic,” ka la pyntip.
