Nga dei u ‘Businessman’ ba don jingïatiplem, lada pyrkhat ïalade ngam donkam ïeng Elekshon: Samborlang

Shillong, nailar 21: U Bah Samborlang Diengdoh u kyrtong ka seng All India Trinamool Congress(AITC) na Pynthorumkhrah u la ong ba lada dei ba u pyrkhat tang ïa lade un ym donkam shuh ban ïakhun ilekshon namar u kla bit la biang lupa ka kam ka jam bad ka kamai kajih.
Haba u Mawphor u la kylli halor ka jingbun ki MLA bad ki riewsaiñ pyrthei kiba bsuh khlieh ha ka synshar khadar la un ïohi haduh katno kan ïarap ïa ka jylla ne kan pynduh nong u Bah Samborlang diengdoh u la ong ba ka shong ha u jaidbriew uba kumno ym kat uba dei u Businessman un shu sniew lut bad ym baroh ruh uba bha lut.
“Lada nga pyrkhat tang ïalade ngam donkam shuh ban ieng ilekshon. Ngam donakm ieng ilekshon ban ïoh seng Petrol pump, nga la biang ka kam ka jam ïa lade hynrei ka jingmih shakhmat ka dei na bynta ki paibah ba duk ba jynjar jong ka pynthorumkhrah khamtam kito kiba trei mynsngi bad bam mynmiet. lada phi pheit ha kato ka por ba don ka jingkhot ïakhih ki nongñiah kali namar ka jingrem palat ka bai petrol nga la shim bynta lang namar nga sngewthuh ïa kaei kaban ktah ïa u duk u suk”, u la ong.
Haba la kylli ba kumba long mynta kiba bun bun ngut kiba mih sha khmat ban ïakhun bad katba ka jylla pat ka nanghiar ha kiba bun ki liang u bah samborlang u la ong, “Nga dei u Businessman ba don ka jingïatiplem bad kata hi kaba nga don ban ong nga ngeit u paidbah u la ïohi hi ïa kata’” u la bynrap.