Shillong, Naiwieng 28: U Myntri ka tnat Social Welfare u Bah Paul Lyngdoh ula pyntip ba shen yn sa iakren hapoh ka jingïalang ka kynhun Myntri Sorkar halor ki kyrteng ba la jied ban thung Chairperson jong ka Meghalaya State Commission for Women (MSCW). Ki don sawngut kiba la shah jied bad napdeng kine yn sa jied ia iwei ban long kum ka Chairperson.
Haba kren sha ki lad pathai khubor u Bah Paul ula ïathuh ba ka tnat Social Welfare kala dep ban ithuh 4 tylli ki kyrteng kiba ibit ban thung Chairperson jong ka MSCW.
“Ngi dang don hapdeng ka jingbishar bniah iaki 4 tylli ki kyrteng kiba ka tnat Social Welfare ka la ibit ban thung Chairperson bad ïa kine ki kyrteng yn sa rah ha ka jingïalang jong ka kynhun Myntri ban ïoh ka jingmynjur” ong u Bah Paul.
U Bah Paul ula ong ba ka tnat ka kwah hi da ka briew kaba tbit bad kaba kynsai ban khlieh ïaka Commission kaba khmih ïa ka bha ka miat ki kynthei.
