Naduh ka 29 tarik haduh 3 tarik u Jymmang ka 46 Biennial General Assembly bad rakhe dap 100 snem ka PCI

Shillong, Ïaïong 21: Ka General Assembly Presbyterian Church of India ha ryngkat lang bad ka Phudmuri Presbyterian Church kan pynlong ïa ka pynlong ïa ka jingïakynduh lang kaba 46 ne ka 46 Biennial General Assembly bad ka jingrakhe dap 100 snem ka PCI 2026 ka ban sdang naduh ka 29 tarik mynta u bnai bad ka ban kut haduh ka 3 tarik u bnai Jymmang mynta u snem.
Haba kren sha ki lad pathai khubor u Sr. Administrative Secretary PCI bad ha kajuh ka por u Chairman ka Balang Presbyterian Phudmuri u Rev. B R Kharnaior u la ong ba ha kane ka jingrakhe bad ka jingïakynduh lang ki nongkitkam, ki pastor, ki committee member, kiba la shah khot sngewbha bad ki delegates na kiba bun tylli ki synod jong ka Balang kin wan ban ïasnohkti lang ha kane ka jingrakhe kaba heh tam jong ka Balang Presbyterian.
U la ïathuh ruh ba kin don ki prokram bapher bapher bad ki jingïaseng kiba la pynkhreh da ka Balang Presbyterian bad ha ka 28 tarik mynta u bnai ka jingrakhe kan sdang da ka jingïaseng ha ka por 7 baje mynmiet ha madan Jawaharlal Nehru ha Polo.
U la ïathuh ruh ba la khmih lynti ba da ki lak ngut ki para ba ngeit kin wan ban ïashim bynta ha kine ki Sngi bad khamtam eh ha ka 3 tarik u bnai Jymmang bad u la ïathuh ruh ba ïa ki jingtip ba kham bniah na ka liang ka Balang kan sa nang pyntip kham bniah shuh shuh ha kine ki Sngi ban wan.