Nongpoh, Ïaïong 21: Uwei u Dribar Trok u la mynsaw jur bad u la sahkut hapoh ka Trok, hadien ba katei ka Trok kaba u ñiah ka la kylla sha Nala, ha kaba la suba ba ka lah ban dei na ka jingpynher sted palat ïa ka Trok.
Kane ka jingjia ka la jia ha ka por 5.40 mynta ka janmiet, ha kaba kane ka Trok ka dang wan hiar na Shillong ban leit sha Guwahati, hynrei hadien ba la poi ha Khyndong Umling, kane ka Trok la leit tynra ïa ka nala bad hap sha ka Nala khlaw.
Kumba la ioh lum jingtip, la ong ba kane ka Trok ka don ïa u Number UP-65-CT-6180 ba la don tang u Dirbar bad ïa ka kyrteng u dribar ruh ym pat ioh satia ba u la sahkut hapoh ka Trok.
Kumba la sakhi halor kane ka jingjia, la ong ruh ba katei ka Trok ka kit ïa u Cement bad ha ka jingsniew bok bad ba la suba la pynher sted katei ka Trok ka leit hap noh sha ka nala kaba ka u dribar um lah shuh ban tehlakam.
Ha kane ka jingjia, u Dribar uba ym pat ioh ban lum kyrteng u la sahkut hapoh katei ka Trok ba la ban da u Cement bad ka trok ka la phra phum da ka jingkhia u Cement. Ki bor Pulit na Nongpoh ruh ki la hiar mardor ban sei ïa une u dribar ba sahkut ha kaba ki la hap ban pyndonkam da ka Puhshilum bad mynta ki bor pulit ki dang ïaleh tyngeh ban ioh sei ïa utei u dribar uba la sahkut shapoh ha kaba la suba ba u la mynsaw jur na ki bynta jong ki kjat.
