Jowai, Naiwieng 4: Ka Federation of Khasi Jaiñtia & Garo People (FKJGP) War Jaiñtia ha ryngkat ka jingïadon lang ka FKJGP West Jaiñtia Hills District ka la leit ban ïa kynduh da kaba ai jingthoh ha u E.E PWD Roads Central Division Jowai na ka bynta ban kyrpad ban buh speed breaker ha ka shnong Ladjaplem, lyngba u surok National Highway 40E kaba hap hapoh ka Amlarem Sub Division, West Jainta Hills.
La ïathuh ba ha katei ka bynta la don ka lad ban ïaid sha ka skul Ladjaplem bad lad Mini Studium bad ka dei ka jaka ba bun bha ki briew kiba ïaid ba ïeng.
Kumta khnang ban lait na ki jingma bad jingmynsaw ka FKJGP lyngba u Organising Secretary West Jaiñtia Hills District u Wompher Wann bad u President ka War Jaiñtia Hills u Bahshlur Mukhim kila ban jur ïa ka tei ka ophis ban shim khia ïa ka tei ka kam hapoh kine ki khyndiat sngi.
