Shillong, Rymphang 18: Ka Hynñiewtrep Integrated Territorial Organization (HITO) ha ka sngi Saitjaiñ ka la leit ban ai da ka dorkhas ïa u Myntri ki kam poh ïing ka sorkar pdeng u Amit Shah ba kan aiti ha ka jingtohkit da ka Central Bureau of Investigation (CBI) bad ka Directorate of Enforcement (ED) ïa ki kam bamsap baroh ha ka jylla kiba la jia naduh shuwa u sne 2018.
Haba kren sha ki lad pathai khubor u President ka HITO u Bah Donbok Dkhar u la ong ba kane ka jingdawa ban tohkit da ka CBI bad ED ïa ki kam bamsap bad ki kam be-aiñ kiba kynthup nauh ka jingshah pynïap u President Barim ka JYF u Poipynhun Majaw, ka jingshah shoh ka Kong Agnes Kharshïiing bad kiwei kam be-aiñ kiba ba jia shuwa u 2018 bad kumjuh u la ong ba ka seng ka dawa ruh ban tohkit halor ka kam bamsap ïa u khaw rashon, ka jingkhyllem u tnum pyllun ka Assembly bad kiwei pat ki kam bamsap kumba ka seng ka la dawa naduh u snem 2022 kaba ki la ai dorkhas ruh.
“Ka jingïakynduh ban ai dorkhas ka dei hadien ba u Amit Shah u la kubur ba ka don shisha ka kam bamsap kumba ngi ruh ngi kynnoh bad ngi ngeit ba u lei u la biang lupa ki kot ki sla kiba pynskhem ïa kane,” u la ong.
“Ngi aipor haduh ka23 tarik ba un tohkit ïa ka kam bamsap bad lada um leh eiei ka pyni ba ka dei ka jingshimkabu saiñ pyrthei jong ka BJP ym ba ka kwah shisha ban tohkit halor ki kam bamsap,” u la bynrap.
Shuh shuh u la ong ba ka HITO ka shim ïa lade kum ka liang pyrshah halor ki kam ka sorkar lada kam i mynjur lada dei kino kino ki seng saiñ pyrthei.
