Nongpoh, Lber, 06: Kum kawei na ka thong ban kyntiew ïa ka ïoh ka kot ki nongrep lyngba ka kam rep ka kam riang ha ki jylla shatei lam mihngi ka ri India, ka skulbah College of Postgraduate Studies in Agricultural Science (CPS-AS), CAU-Imphal, Umïam mynta ka sngi ka la lah ban pynlong ïa ‘17th India-Japan on Economic Developments’ kaba dei ka rynsan ïa kren halor ka phang ban kyntiew ïa ka rep ka riang ha ki jylla shatei lam mihngi ka ri India bad khamtam ha ka jylla Meghalaya.
Ïa kane ka India-Japan Dialogue, la ïa trei lang ruh da ka Central Agricultural University (CAU), Imphal; ka Indian Society of Agricultural Economics (Mumbai); Kobe University (Japan); ka Centre for International Projects Trust (New Delhi); bad ka sorkar Meghalaya.
Kum ban pynkynmaw, kane ka India-Japan Dialogue ka dei kaba la lamkhmat da u Dr. Anupam Mishra, Vice Chancellor ka Central Agricultural University (CAU), Imphal, bad dei lyngba ka jinglamkhmat jongu, ba ki riewshemphang ne ki proh jabieng na ka sorkar India ki la ïoh lad ban ïa thir ne ïa tai bad ki 6 ngut ki nongmihkhmat na ka ri Japan, kaba ki la ïa tai sani halor ki lad ki lynti kumno ban kyntiew ïa ka kam rep lyngba ki bor jingstad ka juk ba mynta bad lyngba ka jingïakylliang ïa ki buit treikam na Japan bad na India.
Ha ka jingthir ne ïa tai hapdeng ki nongmihkhmat na ka Japan bad na India, la ai jingkren pdiang shuwa da u Prof. Dwipendra Thakuria, Dean, CPGSAS, Umiam, uba ban khia kyrpang ba kane kaj jingïathir na ïa kren lyngba ka Japan-India Dialogue, ka ong ban thaw kyrpang ïa kita ki buit treikam ban kyntiew ïa ki kam rep bad ïa ka ïoh ka kot hapoh ka ri India.
Ki riewpawkhmat kiba la don lang ha kane ka sngi ki kynthup naduh uu Dr Anupam Mishra, Vice-Chancellor, Central Agricultural University (CAU), Imphal; u Gunanka D.B., IFS, Joint Secretary, ka tnad Agriculture & Farmers’ Welfare ka Meghalaya; Dr. V K Mishra, Director, ICAR-RC for NEHR, Umïam, Meghalaya; Dr. AK Mohanty, Director, ICAR-ATARI, Zone- VII, Umïam, Meghalaya; ka Dr. P. Lyngdoh, Director I/c Veterinary Office, Nongpoh lem bad kiwei ki ophisar.
Ki 6 ngut ki nongmihkhmat na ki 5 tylli ki University ka Japan ki la don lang ha kane ka sngi ba kynthup ïa u Prof. Takahiro Sato, Vice-Director, RIEB, Kobe University; Prof. Atsushi Kato, Waseda University, Japan; Prof. Kazutoshi Tamari, Chukyo University, Japan; Prof. Asuka Yamamoto, Kyushu University, Japan; Dr. Ryohei Kasai, Gifu Women’s University bad Prof. Mio Morimoto, Waseda University.
U Prof. Takahiro Sato, na Japan u la ai ka jingpynshai halor ka Asia-Africa Growth Corridor (AAGC) bad kata ka Japanese-affiliated multifunctional companies (MNCs) in India, kaba ki la ban jur ïa ka jingbeit tyngka bad ruh ka rukom treikam ban kyntiew ïa ka ïoh ka kot ha kine ki ar tylli ki ri kaba la batai bniah halor ka jingïadei kaba jan hapdeng ka India bad ka Japan.
Kiwei kiwei kiba la ai jinkren ne pynshai halor kane ka mat ïa kren ka Japan bad ka India ki kynthup ïa u Prof. Ram Singh, Deam, COA, Kyrdemkulai, u Dr. V K Mishra, Director, ICAR-RC, NEHR, Umïam, Meghalaya; u Dr. AK Mohanty, Director, ICAR-ATARI, Zone- VII, Umïam, Meghalaya lem bad kiwei de.
