Jowai, Rymphang 01: Ki bor pynïaid District jong ka West Jaiñtia Hills kila pynbeit ba kan don ka jingpynkhuid (Cleaning Drive) ïa ki bynta jong ka Wah Myntdu kaban long lashai ka sngi 2 tarik u Rymphang, 2024. Kane ka jingpynkhuid ïa ki bynta jong ka Wah Myntdu yn sdang na Jingkieng Pamblah (Jowai-Shillong Road) ter ter shaduh ki bynta jong ka Treïongriang haduh Ban Ser ka ban sdang naduh ka por 9 baje mynstep haduh 1 baje janmiet. Ïa kane ka kynhun yn lam khmat da u bah W.K. Kharlukhi, MCS, Assistant Commissioner, Jowai haka jingsynran lang u ma Iaidbha Phawa, Assistant Research Officer bad u ma K. Ryngkhlem Research Assistant na ka tnat District Planning, ryngkat ki nongtrei jong ka ophis u DC, West Jaiñtia Hills.
