Mynta ka sngi yn pynlait u Myntri Rangbahduh ka ri u Modi ïa ka 2400 klur ka jingmyntoi DBT

Shillong, Jylliew 18: Kum shi bynta jong ka kam kaba ïaid mynta ha kylleng ka ri hapoh ka Pradhan Mantri Viksit Bharat Rojgar Yojana (PM-VBRY), yn pynlong ïa ka prokram ha ka thaiñ ha NEIGRIHMS, Shillong lashai ka sngi, ban pynïasoh ïa ki nongïoh jingmyntoi, ki nongpyntreikam bad kito kiba don bynta ha kane ka kam na ka Jylla Meghalaya bad ka prokram PM-VBRY ha ka ri baroh ha kaba u Myntri Rangbah duh ka ri u Narendra Modi un ai jingkren na Vigyan Bhawan, New Delhi.
Ha kane ka prokram ha ka thaiñ kaba long ha Shillong yn ïashim bynta da u Bah Methodius Dkhar, Myntri ka tnat Labour & Employment jong ka sorkar Meghalaya; u Saleng A. Sangma, Dkhot ka Ïingdorbar Thawaiñ (Lok Sabbha); bad kiwei kiwei ki kynrem ki lyndan, ryngkat bad ki nongïoh jingmyntoi na ka PM-VBRY, ki nongmihkhmat jong ki nongaikam bad ki heh ophisar na ka Sorkar Pdeng bad ki Sorkar Jylla.
Ha kane ka jingïalang, u Myntri Rangbahduh un ai jingkren sha ki nongïoh jingmyntoi na ka PM-VBRY ha kylleng ka ri bad un pyllait ïa ki jingai jingmyntoi kiba kot kumba T.2,400 klur lyngba ka Direct Benefit Transfer (DBT), kaba plie lad shuh shuh ïa ki lad ïoh kam ïoh jam na ka bynta palat 15 lak ngut ki briew.