Shillong, Nailur 14: Mynta ka sngi, ka Federation of Khasi Jaintia and Garo People (FKJGP), Mawlai Circle kan sa ïoh ban pynhap pyrda noh ïa ka lympung IXth Inter School Knock-Out Football Tournament 2023, ha Madan Heh Mini Stadium Mawlai Phudmuri ha ka por 3 baje nohphaisngi.
Kumban shu pynkynmaw, na ka liang jong ka seng ka la ïoh ban plie pyrda ïa kane ka lympung naduh ka 23 tarik Nailar, 2023, bad ki la don haduh 15 tylli ki skul kiba la wan ban ïashimbynta. Shuh shuh, ka seng ka ju pynlong ïa kane ka Tournament man u snem ban pynshlur ïa ki khynnah ban phaikhmat sha ka kam lehkai bad ruh ban pynkiar ïa ki na ki jingkyrni jong u drok lyngba ka phang kaba ong “Em ïa u Drok, Ho-oid ïa ka phutbol”.
Ha kane ka sngi khylliap pyrda ïa kane ka lympung, yn don ryngkatlang u Bah Eldie N Lyngdoh, General Secretary FKJGP Sengkmie kum u Kongsan bad u Bah Kitboklang Nongphlang, Vice President FKJGP Sengkmie kum u symbud Guest of Honour, Special Guest, u Bah Tamdor Nadong.
Ka jingïaknieh namlahduh mynta u snem kan long hapdeng ka Umrynjah Presbyterian School pyrshah ïa ka Christ Church Morning School.
