Jowai, Jymmang 16: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long ha madan Kiang Nangbha Stadium Jowai.
Ha ka jingïakhun kaba nyngkong ka kynhun ïalehkai jong ka Maitchaphrang Mootyrchiah kala jop ïa ka Nonglatem da 3-1 kol, ha kawei pat ka jingïakhun ka Madankynsaw Mookyndeng ruh kala lah ban pynliem ïa ka Mawsiang FC da 3-1 kol, katba ka Mookyrdup ka la jop da 3-2 kol pyrshah ïa ka Pasyih Cultural Sports Club.
Ka jingïakhun ba khadduh jong ka Quarter Final ba khatduh kan long lashai ka sngi ha ka por 2 baje hapdeng ka Khliehmuchut Shangpung pyrshah ïa ka Risingsun Mukhla.
