Nongpoh, Nailar 28: Kawei ka iing kala haka shnong Chota Tandu, 13 mer Assam ka shnong ha khappud ka Meghalaya bad Assam, kala shah ban khyndew hadien ka jingtwa kynsan uwei u lum u ba don ha lyndet kane ka iing haduh ba 3 ngut ki briew kila mynsaw ha kane ka jingjia, katba ka kynroh iing kala pra bad ka iingshetja lei kala pra syndon phum naka jingtap ka khyndew.
Katkum ka jingtip bala ioh lum la ong ba kane ka jingjia kala jia haka por kumba 7:30 eiei hynne ka step katba baroh shi iing ki dang ioh thiah namar ka jinghap slap bad donbok ba ha kane ka jingjia ki briew kiba don hapoh katei ka iing kila lait thaw naka jingjia ba sngewsih hynrei kila ngat pat haka jingmynsaw.
Ki 3 ngut kibaa laa mynsaw ki dei kiba la tip kyrteng kum u Chandra Marak (35) snem ka rta, ka Sunita Sangma (25) snem bad Riknosha Sangma (7) snem ka rta bad kitei kiba la mynsaw la pynkit noh mar mar sha ARHI Hospital ban ioh ka jingsumar.
La ong ba ha kane ka jingjia kala wanrah ruh ka jingduhnong kaba khraw ïa katei ka longiing.
