Nongpoh, Jymmang 15: Kum shi bynta ban ïa snoh kti lang ha shi tyllup ka pyrthei ban rakhe ïa kata ka World Environment Day kaba long shi bynta ban pynneh pynsah ïa ka mei mariang, ka Meghalaya Clean & Green Organization ka la rai ban pynlong da ka jingïamareh Marthan ha Ri Bhoi District.
Kane ka jingïamareh marathon kan long ha ka 5 tarik u Jylliew, 2023 ha kaba kin sdang na ka Shnong Liarbang ban ïaid lyngba ka shnong Liarkhla, Kdonghuli, Thadnongiaw, Khweng, Mawbri, Nongladaw, Matneng, Umshaproh bad kin pynkut pat ha madan Kurkalang,, Bhoirymbong ha Ri Bhoi District.
Katkum ka kyrwoh ba la phah da u Publicity Secretary, u Bah S. Nongkhlaw, u la pyntip paidbah ba ha kane ka jingïamareh marathon kin don haduh saw bynta (Categories) ba kynthup na ka bynta ka bynta ki kynthei ha ka rta kaba 16 snem, shynrang ha ka rta kaba 16 snem, na ka bynta kiba la kot 16 snem shaneng ïa ki kynthiei bad shynrang.
U la ïathuh ruh ha katei ka sngi yn don bynta lang u Bah Jommingstar Ramsiek, uba dei u nongjop ïa ka Kolkata Full Marathon bad uba dei ruh u nongïamareh marathon ba la paw ha ka jylla bad uba long ruh nonghikai (Coach).
Shuh shuh, u la bynrap ruh da kaba ong, ba ka khubor ne ka jingangnud lyngba kane ka jingpynlong ïa kane ka jingïamareh Marathon ka dei halor ka phang ban ïada ïa ka maraing ha kaba ha ka ktien nongwei, ‘Run against Climate Change’ ba ka seng ka sngewkhia halor ka jingkylla ki bor mariang bad ka jingpynjot ïa ka mariang kabab uh jingma na ka bynta ka pateng ban sa wan bad kaba long ruh ka jinghikai ba ngi dei ban sngewthuh halor ka jingkordor jong ka jingïada ïa ka mei mariang, u la bynrap.
