Mawsynram, Jylliew 30 : U MLA ka Mawsynram, Bah Olland Sing Suin u la ïoh ban pyllait paidbah noh ïa ka MLA skhim kaba dei lyngba ka SRWP jong u snem 2024 – 2025 sha ki 131 tylli ki longïing lyngba ka cheque kaba mar T. 20 hajar tyngka kaba kot sha T .26 lak tam kata naka bynta ka thain Lawbah, East Khasi Hills District bad ïa kane ka jingïalang paidbah ban sam ïa ki skhim la pynlong ha Multipurpose Hall ha shnnong Lambah.
Haba ai jingkren ha ka jingïalang, na ka liang u bah Olland Sing Suin u la ong ba kumba ki paidbah ki la ai ka jingshaniah ïa u kum u nongmihkhmat bad kumjuh ruh kumba u kular ha ki por shwa m ilekshon, ba lada nga poi ha ka thong baroh ki skhim kiba dei hok jong u paidbah kin leit sha kiba dei hok jong ki paidbah.
Shuh shuh u la ong ruh ba kane ka dei ka sien kaba ar kaba u la dep ban sam ïa ki MLA skhim sha ki paidbah namar ïa ka bhah nyngkong la dep ban sam ha ka thaiñ Sawsymper bad ym tang kata nangne shakmat un sah lah ban pyndep pat sa ha ki thaiñ Mawsynram bad ha ki thaiñ Phlangwanbroi bad ha kiwei de ki jaka kiba hapoh ka Mawsynram Konstitwensi.
Namarkata, u bah Suin ula buh ka jingkyrpad ïa ki paidbah nongshong shnong jong ka Mawsyram Konstitwensi hi baroh kawei ba ïa kito ki longïing ki bym pat shem la ïoh ha kane ka kynti ba mynta ba kin long kiba ïai shah bad ki ap sa ïa kawei pat ka pali bad kin sa ïoh pat ha kiwei pat ki snem.
Ha kane ka sngi la sakhie lang da ki riew rangbah jong ki shnong bapher bapher bad kumjuh ruh na ki paidbah jong ka dong ka thaiñ Lawbah, East Khasi Hills District.
