Mairang, Naiwieng 23: U District Magistrate ka Eastern West Khasi Hill District, Mairang u bah G Kharmawphlang IAS, u la pyntreikam da ka kyndon 144CrPC, kaba khang bad mana pyrshah ïa ki briew lane kynhun briew ban kem bad tong dohkha da kaba pyndonkam da ki kynja dawai ha ki wah bah lane wah duid kiba don hapoh ka District.
Kane ka jingleh ka wanrah ïa ka jingpynjakhlia bad jingpynjot ïa ki kynja ba im hapoh ki um, ki wah bad ka pynsniew ïa ki sawdong sawkun bad ka pynlong ruh ka jingbym shngaiñ ïa ka koit ka khiah jong ki nongshong shnong.
Kumta lada lap ïa kiba ïaleh pyrshah yn pynshitom katkum ka kyndon aiñ 188 jong ka Indian Penal Code. Kane ka jingmana kan treikam noh mardor naduh ba la pynmih ïa kane ka hukum.
