Nongpoh, Jymmang 02: Ban ioh mad ïaka khuid ka suba ban iohi ïaka jingitynnad bad khamtam ban ioh ïaka sawdong sawkun kaba khuid bad itynnad, Ka Dorbar Shnong Umryngksai haka jingïatreilang bad ki dkhot jong ka Seng RBYF 3 shnong unit ki la pynlong da ka jingpynkhuid ïaka wah kaba don ha Shnong Umlyngkdait kaba tuit terter sha ki bynta ba harum jong ka shnong Lumbyrhing bad kiwei kiwei harud surok bah National Highway.
Ïa katei ka jngpynkhuid ïa katei ka wah la pynlong haka 29 tarik u Ïaiong 2023 bala sdang naduh nakhmat jong ka Jiva Veg Resturant bad ter ter sha duh ki shnong kiba harum ha Lumbyrhing bad Pahamrioh.
Haba kren bad ki nongïalam jong ka seng RBYF ki la pynpaw ba ka long kaba sngewkhia ban iohi ba kiba bun ki paidbah nongleit jingleit ki ju bret pathar ïaki jaboh jabaiñ haki rud surok bah bad ha kaba khadduh kine ki jaboh ki poi sha kane ka wah bad ka pynjaboh ïa ka um bad ka pynkylla ruh ka jingsniew jong ka mariang.
Kitei ki nongïalam ki la buh ruh da ka jingmaham ba ki paidbah nongleit nongwan bad ki dukan kim dei ban bret klumar ïaki jaboh jabaiñ ha shilynter jong ka surok bah lane ban bret sha katei ka wah, hynrei ban buh shi jaka bad bret haki jaka ba dei ban bret.
