Nongstoiñ, Ïaiong, 29: Ka Federation of Khasi Jaiñtia and Garo People Mawliehbah Area ka la mana tyngeh ïa ki riew shim kabu ban pynïap dusmon ïa ki dohum dohwah kaba hap hapoh ka Area Mawliehbah baroh kawei, khamtam eh ïa ki ar tylli ki wah kata ka wah Riwiang bad ka Wah Malen bad kiwei kiwei ki wah rit kiba hap hapoh ka don ka thaiñ hi baroh kawei.
Ka Seng ka la mana tyngeh ban kem doh pathar da kaba siat bom, ai bih tutia, kharew, shun, jaiur, khang jar bad kiwei de ki jait bih. Lada lap ïa kum kine ki riew shim kabu ka seng kan sa leh da kaba tyngeh.
Ka seng ka ïa wer ruh ïa ki paid nongshnong jong ka don ka thaiñ kiar na ki jingthang kulmar ïa ki lum bad khlaw ki btap khnang ban wan rah biang sa shisien ïa ka jing itynnad ka mariang ha ki lum ki wah. Ha kajuh ka por ngi da adong tyngeh ïa ki briew ba pynïap dusmon ïa ki mrad khlaw kiba shong ba sah ha ka dong ka thaiñ.
Ka seng ka wer ïa ki VDP, Sordar bad Secretary Shnong, Seng Samla Shnong bad kiwei kiwei ki seng trei mon sngewbha ban ïatreilang na ka bynta kane ka jingthmu.
