Shillong, Naitung 13: Ki nonghikai SSA kila lyngngoh ngaiñ haba ki ïoh ïa ka tulop kaba shiteng dor na ka bynta lai bnai, na ka bynta u bnai Jymmang, Jylliew bad mynta u bnai Naitung 2026.
Katkum ka jingkheiñ kaba ka tnad pule kala buh jingkhieñ ka long ba ka tuop kaba ki nonghikai kin ïoh katkum ka tulop kaba thymmai ka long na ka bynta kito kiba dang sdang hikai haduh san snem kin ïoh T.21000/- tyngka, kiba 5 haduh 11 snem kin ïoh T.22000/- tyngka. Kiba 11 snem haduh 19 snem ki ïoh T.23000/- kiba 19 haduh 28 snem ki ïoh T.24000/- bad kiba 28 snem shaneng ki ïoh T.25000/- tyngka.
Kaba pynlyngoh ïa ki nonghikai SSA ka long bynta na ka bynta jong u bnai Jymmang, Jylliew bad Naitung 2026 ka tulop kaba ki ïoh ka long shiteng, kiba dang sdang hikai haduh san snem ki ïoh T.10500/- tyngka, kiba 5 haduh 11 snem kin ïoh T.11500/- tyngka. Kiba 11 snem haduh 19 snem ki ïoh T.12500/- kiba 19 haduh 28 snem ki ioh T.13500/- bad kiba 28 snem shaneng ki ïoh T.14500/- tyngka.
Haba ïadei bad kane ka jingïoh duna tulop ki nonghikai SSA katkum ka tulop kaba thymmai kaba la pyntreikam da ka sorkar Meghalaya ka ïoh jingtip ba kane ka jingsiew ka dei na ka bhah jong ka sorkar jylla namar ka sorkar pdeng kam pat phah ïa ka bhah ka jong ka, kaei kaba ka sorkar jylla ka siew dei tang ka bhah jong ka sorkar jylla.
Haba ïadei bad kane ka tnad pule puthi ka la phah da ka jingkhieñ sha ki nonghikai SSA ba ki sngewthuh ïa kaei kaba ka sorkar jylla ka sniew bad mar ïa ïoh ïa ka bhah na ka sorkar pdeng kin sniew ïa baroh kaba ki dei hok ban ïoh.
Katkum ka tyllong khubor la ïathuh ba kane ka la wanrah ka jingeh kaba khraw ïa ki nonghikai kiba mad ïa kane ka jingeh na ka por sha ka por.
