Shillong, Rymphang 17: Ka kol kaba la thep da u Phyrnai Langstieh ka la ïarap ïa ka Lawsohtun SC ban khur jingjop ha ka jingïalehkai pyrshah ïa ka Nongrim Hills SC hynnin ka sngi Thohdieng ha ka lympung 1st DIVISION Football League 2023-24 ba la pynïaid da ka Shillong Sports Association ha madan SSA Ground, Polo.
Ka jingïakhun hapdeng kine ki ar kynhun ka la sdang ha ka por 2:45 baje nohphaisngi.
Haba phai sha ka jingïalehkai, ka kynhun Lawsohtun SC ka la ïoh ban pynkhihjar nyngkong lyngba u Peter Lyngdoh ha ka 34 minit, hynrei ka Nongrim Hills SC ka la jubab shuwa ban kut ka kylla step lyngba u Glenny Lynrah (42 minit) kaba la pynlong ïa kine ki ar kynhun ban ïakhaid da mar 1 kol ha kaba kut jong ka kylla kaba nyngkong. Hadien ba la bteng ïa ka jingïakhun ha ka kylla kaba ar, baroh arliang ki la ïakhun tyngeh ban ïoh thep sa kawei hynrei dei ka Lawsohtun SC kaba la lah ban pynurlong ïa ka jingangnud na ka kol ba la thep da u Phyrnai Langstieh ha ka 74 minit.
Haduh kaba kut jong ka por ym shym la don shuh ba lah ban pynkhihjar kaba la pynlong ïa ka Lawsohtun ban khur ïa ka namjop.
