Lyngba ka BSA yn kyntiew ïa ka pule puthi ki heprit sha ki thaiñ Nongkyndong

0

Nongpoh, Risaw 01: Ka kong VA Hynniewta AC ka Ri-Bhoi District haka 26 tarik Nailur kala pynlait paidbah ïaka Buniyadi Siksha Abhiyaan (BSA) bad ka kot lyngkdop ban ïalap halor ka thong ban kyntiew ïaka pule ka puthi jong ki heprit khamtam sha ki shnong nongkyndong ba kin ioh ka jingnang jingstad.
Ïa katei ka kot la pynlait paidbah ha Conference Hall jong ka ophis u Deputy Commissioner ka Ri-Bhoi District kaba dei ruh lyngba ka jingkyrshan jong ka Piramal Foundation kaba dei don ryngkat bad ka NITI Aayog ban kyntiew ïaka Ri-Bhoi District kaba la shah jied kum ka Aspirational District haka jylla bad ka thong jong katei ka prokram ka long ban kyntiew ïaka pule puthi haki hepeit naduh class 1-5.
Haba kren ha katei ka sngi naka liang ka kong VA Hynniewta kala maitphang halor katei ka prorkam kaba long ka jingmyntoi naka bynta ki heprit khamtam sha ki thaiñ nongkyndong ba kin ioh ïaka jingnang jingstad bad ka pule ka puthi bad dang kyntiew ruh ïaka district haka liang ka pule puthi bad ka thong ban dang kynjoh kum kata ka Aspirational District.
Naka liang u Mrinmoy Sangma u ba la wan ban mihkhmat naka Piramal Foundation u la pan ka jingkyrshan naduh ki nongïalam shnong, ki ophis sorkar bad ki ophisar ban pynlong ïa katei ka prokram kaba jop kumba la buh thong.
Kiwei kiwei kiba don ryngkat ha katei ka sngi ki kynthup ïaka kong PL Nonglait DSEO, Vincent Nianglang Jt. Director cum DMC, Bah R. Dhar, SDSEO, P. Yadav, BMC Umling, Bah R. Bashai, Planning Coordinator SSA, ka Kong Elika Synrem, LSEO, Kong Rap Ika Nongkling, APO, Umling DRDO bad kiwei kiwei.

Leave A Reply

Your email address will not be published.