Mairang, Nailur 23 : Ha ka sngi hatmajai ka 22 tarik mynta u bnai u bah Shakliar Warjri MLA ka Mawthadraishan constituency u la hiar sha Markham ban jurip ïa ki jaka ban pynlong ïa ka tamasa ha ka 16 bad 17 tarik u bnai Risaw ban wan. Ha katei ka sngi la synran lang ïa u MLA da ka kong Anita Kharpor IAS Deputy Commissioner ka Estern West Khasi Hills u Supritendent of Police Eastern West Khasi hills ki ophisar sorkar na ki tnad trei kam bap her bap her ryngkat ki riewrangbah jong ka shnong Markham ryngkat ki nongmmihkhmat na ka kur Lyngdoh Nonglait kiba dei ki trai jaka.
Ha katei ka sngi u MLA u la aikhublei ïa ki ophisar sorkar khamtam eh ïa ka Kur Lyngdoh Nonglait bad ki rangbah shnong Markham kiba la mih shakhmat ban ai jingkyrshan na ka bynta ban pynlong ïa katei ka tamasa U MLa u la ong ruh ba ki tamasa kim dei tang na ka bynta ban pynpaw pyrthei ïa ka jingitynnad ki sadong swkun jong ka jaka ne ban pynithuh ïa ka culture ne ki jait jingbam tynrai hynrei ka jingthmu ka long ban pli4e lad plie lynti ha ka ban kyntiew ïa ki kam jngohkai pyrthei ha katei ka jaka.
Ha kajuh ka por u la ong ba ka jingpynlong ïa katei ka tamasa ka long ruh kum ka lad na ka bynta ban kyntiew ïa ka ïh ka kot jong ki nongshong shnong na ka jingwan ki nongjngohkai na kylleng ki jaka bad ka long ruh ka kabu na kabynta ban wan rah ïa kiwei pat ki kam pynroi na ka bynta ka jingmyntoi jong ki paitbah. U la kyntu ruh ïa ki nongshong shnong katei ka thaiñ ba kin ïatreilang bad ki ophisar sorkar jong ki tnad trei kam bap her bap her hapoh ka district khnang ba katei ka jingthmu kan long kaba jop .
Haba phai pat sha katei ka jingthmu ban pynlong ïa ka tamasa ha Markham ym lah ban len ba ka leit ka wan kan ym pynsngewtynnad ïa paitbah namar ka bynta jong ka surok kaba khlad na ka shnonhg Kynshi Bangla haduh ka lad bad leit sha Markham bad Lawbyrtun kaba jngai kumba 5 kilomitar ka dei ka surok kaba la sdang ban jot ban pra bad la bun sa tang ki thliew ki syar . Ha ki bym pat ju ïaid lyngba katei ka surok kin ym lah ban tip kumno ka long hynrei ha kiba ju ïaid man ka sngi ki sngewthuh bad ki ïohi ba katei ka surok kaba 5 kilomitar ka la don kam ban moramot noh kham kloi namar lada iehnoh sah kumba ka long mynta lehse haduh u snem ban wan ka surok kam long shuh ban ïaid kali rit.
