Lait thaw ki nongshong shnong ka 11 Mer bad nongpang ka North East Cancer Cancer na ka jingbthei kynsan u Transformer

Nongpoh, Iaiong 09: Ha kawei ka jingjia, ki longïing ba sah marjan bad ka North East Cancer Hospital hajan ka shnong Mawsmai, 11 Mer ha ryngkat ki nongpang kiba shah sumar ha kane ka hospital ki la lait na ka jingjia kaba sngewsih hadien ba ka ding kaba shyrkhei kaba la kem ding kynsan ha u wei na ki transformer u ba don hakhmat ka jaka rung sha kane ka jaka ai jingsumar.
La ïoh jingtip, ba kane ka jingjia ka la jia ha ka por 12 shiteng eiei mynmiet jong ka 8 tarik Ïaïong katba ki briew ki dang ïoh thiah lyngngai, hynrei donbok ba dang ka jingdon jong katto katne ngut ki briew kiba la ïohi ïa kane ka jingkem ding kynsan ha u tei u transformer ki la pyntip marmar sha ki bor pulit pynlip ding ka sor Guwahati bad kiba marjan bad kiba la shimkhia ban wan marmar sha katei ka jaka ban tem ïa ka ding kaba la klang bad shyrkhei bha.
La ïathuh ruh, ba ki bor pulit pynlip ding na Guwahati bad Jorabat ki la hap ban ïakhun bun por hashwa ban ïoh ban tem noh ïa ka ding kaba shyrkhei kaba la klang ha u tei u transformer u ba don hakhmat ka jaka sumar pang North East Cancer Cancer.
Shuh shuh ruh, la ïoh jingtip ba ïa ka daw kaba tikna halor ka jingkem ding kynsan u tei u transformer ym shem la lah ban tip satia bad na ka liang ki bor pulit ka Jorabat Police Outpost ki dang pynlong ïa ka jingtohkit halor kane ka jingjia kem ding u tei u transformer.