La slem angnud ki paidbah ïa ka jingkylla ha Nongstoiñ Constituency: Gabriel Wahlang

Nongstoiñ, Rymphang, 20: Na ka liang u Bah Gabriel Wahlang haba ai jingkren ha ka rynsan ïalap elekshon ha Nongstoiñ u la ong, “Nga ieng ha ki nongrim ba la buh ha ka Congress party, nga ieng halor ka nongrim ki khun samla jong ngi ïa kaba ki la shah ban beiñ ha kine ki sngi ki snem. Ka kam ka jam kim ïoh bad ki kmie ki kpa ki la lynga na ka bynta ka lawei ki khun. Nga kwah ban long ka jingkyrmen na ka bynta ki khun samla kiba la duh ka jingkyrmen ha ki san snem. Wat ym biej shuh ha ki jingshah pynbiej, ïoh ngi babe biang ha ki san snem ban wan”.
“Nga don ka jingangnud ba ka jinglong jingman bad ka hok ki paidbah kan phai bang sha ki por ba mynshwa. Kata ka long ka hok jong phi ha ka kamai kajih khlem da shah thom bor lane shah leh bor hano hano. Namar kumba long ha kine ki sngi ki snem, ki paidbah ki la shah thom bor ha ki bor politik. Hynrei nga kwah ban pynduh noh ïa kine ki kam leh don bor baroh, namar baroh ngi kwah ban kamai da ka hok ban im bad ieng ha la ka hok bad ym dei shuh ban dang don kano kano ka lama hadien ka elekshon”.
“La slem nga ïoh sngew ïa ka jingkwah ki paidbah ka Nongstoiñ ban wanrah jingkylla ha ka synshar khaddar ha Constituency. Namar kata to jied ïa ka Congress party lada phi kwah ïa ka jingsuk bad jingshong shngaiñ ha ki san snem ban wan. Khlem da peit khmat ïano ïano, nga wer sha baroh kine ki political party kiba la wan ban ïalap elekshon hangne ban wan rung noh sha ka Congress party ba kan jop ha kane ka elekshon na Nongstoiñ Constiuency, khnang ba sa shisien pat ka burom jong ka Nongstoiñ Consti-tuency kan ïoh pat ïa ka burom bad kan long ka Constituency ka ban lam khmat wat ïa kiwei ruh ki Constituency”, u la ong.