La pynlong ïa ki jingkhmih bniah ïa kiba pang BP, shini bad kiwei ha SWGHD

Shillong, Jylliew 25: Kum shi bynta jong ka District Nutrition Leadership Programme (DNLP), ka jingdonkam ïa ka jingbud ryntih jong ki camp jong ka koit ka khiah, la dep pynlong ha ka 23 tarik Jylliew ha kylleng ki shnong nongkyndong jong ka South West Garo Hills da ka tnad ka koit ka khiah ha ka jingïatreilang bad ka Integrated Child Development Services (ICDS), ha kaba kane ka camp ka thmu ban nang pynbha ïa ka jingpynbna shaphang ka koit ka khiah jong ka imlang ka sahlang bad ka bam ka dih.
La dep pynlong ïa ka camp ka koit ka khiah ha ka shnong Grenggandi, ha kaba 48 ngut ki nongïoh jingmyntoi kiba la dep test ïalade. Napdeng kine, haduh 38 ngut kiwei pat ki riew shimet ki la dep phah khmih bniah ïalade ne test na ka jingpang duna snam bad ym don ba don kane ka jingpang.
La bynrap ba haduh 25 ngut kiba la heh ka rta kila dep test ïalade na ka bynta ka jingpang hypertension ne BP bad shini, katba ae ngut kiwei ki longkmie ba armet kila dep eksamin ïalade bad ïoh ïa ka jingai jingmut.
Kum kane hi kajuh ka camp jong ka koit ka khiah, la long ha ka shnong Boldakgre, ha kaba la ïashim bynta haduh 62 ngut ki dkhot ka imlang sahlang. Ki nongtrei jong ka koit ka khiah ki la dep test ïa ki jingpang bym ïa bit haduh phra ngut, katba ïa ka tuberculosis (TB), la don haduh 21 ngut kiba la dep test bad ka koit ka khiah ka kmie.
Haduh san ngut ki khynnah ki la ïoh ïa ka jingai tika bad kiwei kiwei. La pynlong ïa ka jingïalang pynsngewthuh shaphang ka koit ka khiah, ka bam ka dih, jingleh khuid bad ki jingpang.
Ïa mynta, ha Rongsang Abagre, ki nongtrei ka koit ka khiah kila dep test ïa ki jingpang bym ïa bit, TB bad duna snam. La pynlong ïa kane ka camp ruh bad ki prokram pynshai kiba thew ha ka thoh ka tar ban ïada na ki jingpang, ka jingbam kaba tei ka met bad ka jingdonkam ban phah check met barabor.
Ka tnat Ka koit ka khiah ka la pynpaw ba kine ki jingtreikam shabar ki don ka bynta kaba kongsan ha ka ban lap kloi ïa ki jingpang, ka jingkyntiew ïa ka koit ka khiah ka kmie bad u khyllung bad ka pynphriang ïa ki khubor koit ka khiah kiba kongsan hapdeng ki shnong nongkyndong.
Ka tnat ka la pynskhem biang ïa ka jingkut jingmut jong ka ban pynkhlaiñ ïa ki lad sumar koit ka khiah bad ban pynbha ïa ki jingmih na ka koit ka khiah lyngba ki jingtreikam man ka por kiba shong ha ka imlang sahlang, nalor kiwei kiwei pat.