La pynlait paidbah ïa u khaw rashon ha Ri Bhoi, buh kyndon u DC ïa ki nongsam khaw

Nongpoh, Risaw 12: U Deputy Commissioner (Supply), Ri Bhoi District U la pyntip paidbah ba ïa u khaw AAY, PHH, NON-NFSA bad PMGKAY naka bynta u bnai Risaw, 2022 la pyllait sha baroh ki dukan Ration (Fair Price Shop) hapoh Ri Bhoi District.
Ka jingsam ïa kine ki Khaw ka long, u Khaw PMGKAY u ba khlem da donkam ban siewdor yn sam mar 5 Kilo shi khlieh briew katkum ka jingdon briew ha ki Card Rashon AAY bad PHH, u khaw AAY 35 Kilo shi iing ha ka dor Rs.3/- (Lai tyngka) shi kilo tang ïa kiba don ïaka Card AAY, u Khaw PHH 5 Kilo shi khlieh briew ha ka dor Rs.3/- (Lai tyngka) shi kilo bad ïa u Khaw Non-NFSA 7.215 Kilo shi iing na ka bynta ki longing kiba don ïa ka Card Non-NFSA ha ka dor Rs.10.82p shi kilo.
Kito ki longing ki bym don ïa ka Card Ration lane kiba la kum pynjah ïaki Card AAY, PHH hynrei kiba don kyrteng pat ha ka List ba la ai da ka ophis sha ki Fair Price Shop Dealer ki lah ban shim ïa ka bhah kaba la mang ïaki.
Baroh ki Wholesaler ki dei ban pynpoi ïa u khaw sha ki dukan jong ki Fair Price Shop Dealer katkum ka Section 24 jong ka National Food Security Act, 2013 bad lada lap ne don ki Wholesaler ne ki Fair Price Shop Dealer kiba shim pisa ne pynduna jingthew kilo kin shah pynshitom katkum ka Section 7 jong ka Essential Commodities Act, 1955 bad katkum ka Section 3 jong ka Preventive of Black Marketing and Maintenance of Supplies of Essential Commodities Act, 1980.