Khlad hashen u rangbah ba shah tynrah kynsan ïa ka trok ha Jorabat

Nongpoh, Risaw 12: U wei u rangbah briew bala antad haka rta ba 40 snem mynta ka sngi u la shah tynrah ha kawei ka trok kaba dang wan ha Guwahati haduh ba un da khlad noh ha shen namar ka jingmynsaw jur.
Katei ka jingjia kala jia haka por kumba 11:30 eiei mynstep ha kaba katei ka trok kaba don ïa u number AS 01 EC 0965 ka dang wan naki thaiñ Guwahati hynrei yn poi ha Jorabat katei ka trok kala leit ban tynrah beit ïa utei u rangbah bym pat lah ban ithuh haduh ba un da khlad noh syndon na kane ka sla pyrthei.
Ki pulit jong ka Jorabat mar mar kila pynkit ïa utei u rangbah sha Guwahati Medical College and Hospital (GMCH) ban pyndep ïaka post mortem. Kat haduh ban da thoh ïa kane ka khubor ym pat lah ban tip ïaka kyrteng bad jaka sah jong utei u rangbah, bad naka liang ki pulit kila register case pyrshah ïa u nongñiah katei ka trok bad ka jingtohkit halor katei ka jingjia ka dang ïaid shakhmat.