Shillong, Naitung 27: Ka Jingïalang jong ka Kynhun Myntri ha ka sngi Nyngkong ka la mynjur ban pynjlan ïa ka jingshakri jong u Chief Technical Adviser (Generation) ha ka Tnad Bording.
Ïa kane ka rai la shim ha ka jingïalang jong ka Kynhun Myntri kaba la pynïaid da u Myntri Rangbah ka jylla u Conrad K. Sangma.
Haba kren sha ki lad pathai khubor hadien ka jingïalang, u Myntri ka Sorkar Jylla u Marcuise N. Marak u la ong ba u Bah BM War, u ba la shongthait na ka kam kum u Chief Engineer (Civil) jong ka Meghalaya Energy Corporation Limited (MeECL), un dang bteng ban shakri kum u Chief Technical Adviser (Generation) ha ka Tnad Bording.
“Ka Cabinet ka la mynjur ban pynjlan ïa ka jingshakri u Bah War, u ba la shongthait kum u Chief Engineer (Civil) jong ka MeECL, ba un dang bteng ban shakri kum u Chief Technical Adviser (Generation) ha ka Tnad Bording,” ong Myntri hadien ka jingïalang.
